Францияның L'Équipe басылымы «Баварияға» қарсы өтетін, 28 сәуірде Парижде жоспарланған Чемпиондар лигасының алғашқы жартылай финал матчы үшін «ПСЖ» клубының болжамды бастапқы құрамын жариялады, деп хабарлайды BOOKIE.KZ «Чемпионатқа» сілтеме жасап.
L'Équipe мәліметінше, париждік клубтың қақпасын ресейлік қақпашы Матвей Сафонов қорғауы тиіс. Қорғаныс шебіне Ашраф Хакими, команда капитаны Маркиньос, Вильям Пачо және Нуну Мендештің шығуы күтіледі.
Орталық алаңда Витинья, Уоррен Заир-Эмери және Жоау Невеш ойнайды деп болжануда. Шабуыл желісінде француз басылымының нұсқасы бойынша алғашқы минуттардан бастап Дезире Дуэ, Усман Дембеле және Хвича Кварацхелия әрекет етеді.
Осы маусымда Сафонов «ПСЖ» сапында барлық турнирлерде 22 матч өткізіп, 20 гол жіберді және 11 ойында қақпасын голдан аман сақтады.
Жартылай финалға дейін париждік клуб екі матчтың қорытындысы бойынша ағылшынның «Ливерпулін» жарыстан шығарды, ал «Бавария» мадридтік «Реалды» айналып өтті.