Үлкен дулыға турнирлерінің жеті дүркін чемпионы, бұрынғы әлемнің бірінші ракеткасы Винус Уильямс биылғы маусымда «Ролан Гаррос» турниріне қатысуды жоспарлап отырғанын мәлімдеді. Қазір әлемдік рейтингте 479-орында тұрған 45 жастағы америкалық спортшы бұл туралы Мадридтегі WTA-1000 турнирінің алғашқы айналымында испан теннисшісі Кайтлин Кеведодан жеңілгеннен кейін өткен баспасөз мәслихатында айтты, деп хабарлайды BOOKIE.KZ «Чемпионатқа» сілтеме жасап.
Уильямс сондай-ақ топырақтағы маусымға қатысты жоспарларымен бөлісіп, мамыр айының басында басталатын Римдегі ірі турнирге қатыса алмайтынын жеткізді. Оның айтуынша, бұл жарысқа берілетін барлық уайлд-кард италиялық теннисшілерге үлестірілген.
«Өкінішке орай, мен Римде ойнай алмаймын, менің басқа міндеттемелерім бар, сондықтан қатты көңілім түсіп отыр. Күйеуім италиялық, сондықтан біздің ол жерде бола алмауымыз екеумізге де көңілсіз. Біз топырақта ойнауды өте қатты жалғастырғымыз келетін», — деп келтіреді Уильямстің сөзін ESPN.
Америкалық теннисші биылғы маусымда топырақ корттарында өнер көрсетуді жалғастыруға ниетті екенін атап өтіп, «Ролан Гаррос» турниріне қатысуды өз жоспарының маңызды бөлігі ретінде қарастыратынын айтты.