Токио‑2020 Олимпиадасының микст санатындағы чемпионы, ресейлік теннисші Анастасия Павлюченкова Мадридте өтіп жатқан WTA‑1000 турнирінің негізгі торына жолдама алды. Ол іріктеудің шешуші кезеңінде украиналық Юлия Стародубцеваны 6:4, 0:6, 6:4 есебімен жеңді, деп хабарлайды BOOKIE.KZ «Чемпионат» басылымына сілтеме жасап.
Кездесу 2 сағат 17 минутқа созылды. Осы уақыт ішінде Павлюченкова екі эйс орындап, 15 қос қателік жіберді және 14 брейк-пойнттың алтауын жүзеге асырды.
Стародубцева үш эйс жасап, қос қателікке жол берген жоқ және 13 брейк-пойнттың алтауын пайдаланды.
WTA‑1000 санатындағы Мадрид турнирі 21 сәуір мен 2 мамыр аралығында өтеді. Жарыстың қазіргі чемпионы — Беларусь теннисшісі Арина Соболенко.