Gor MMA залының негізін қалаушы Гор Азизян UFC полутяж салмағындағы жекпе-жекші Богдан Гуськовтың командасы алдағы турнирге жаңа қарсылас іздеп жатқанын мәлімдеді, деп хабарлайды BOOKIE.KZ, дереккөз: «Чемпионат».
Жаттықтырушының айтуынша, 10 мамырда АҚШ-тың Ньюарк қаласында өтетін UFC 328 турнирінде Гуськов полутяж салмақтағы бұрынғы чемпион Ян Блаховичпен реванш өткізуі керек болған. Алайда поляк спортшысы тізесінен жарақат алып, жекпе-жектен бас тартты.
Азизянның сөзінше, осы жағдайдан кейін өзбекстандық спортшының командасы балама қарсылас іздеуге кірісіп, UFC-дегі тағы бір танымал жекпе-жекшімен жекпе-жек өткізу мүмкіндігін талқылап жатыр.
«Разговариваем с UFC насчёт Пауло Косты также 9 мая на UFC 328. Наш менеджер работает», — деді Гор Азизян.
Бұған дейін Гуськов Пауло Костаны ашық түрде жекпе-жекке шақырып, октагонда кездесуге дайын екенін білдірген еді.