Мадридтік «Реалдың» бас бапкері Альваро Арбелоа шабуылшы Килиан Мбаппенің Жозе Моуриньюдің клубқа оралуы туралы жазбаға қойған лайкына пікір білдірді, деп хабарлайды BOOKIE.KZ «Чемпионат» дерегіне сілтеме жасап.
Бұған дейін әлеуметтік желілерде 2012 жылғы Моуриньюдің Криштиану Роналду мен Месут Озилмен бірге және 2026 жылы Мбаппе мен Арда Гюлермен қатар бейнеленген коллаж жарияланған еді. Француз шабуылшысы осы жазбаға «ұнайды» белгісін қойып, жанкүйерлер мен испандық БАҚ арасында талқылауға себеп болды.
Испаниялық Marca басылымы Арбелоаның сөздерін келтіріп, оның ойыншының желідегі мұндай әрекетіне мән бермейтінін атап өтті.
«Мне всё равно, кому Мбаппе ставит лайки – Моуринью или Джулии Робертс», — деп келтіреді Арбелоаның сөзін Marca.
Бұған дейін AS газеті қазіргі кезде Лиссабонның «Бенфика» клубын жаттықтыратын Моуриньюдің мадридтік клубқа өз қызметін ұсынғанын хабарлаған. Басылым мәліметінше, оның кандидатурасы «Реал» президенті Флорентино Перестің айналасында талқыланып жатыр.
«Реалдың» Ла Лигадағы келесі ойыны 24 сәуірге жоспарланған. Мадридтік команда Испания чемпионатының 32-туры аясында сырт алаңда «Бетиске» қарсы матч өткізеді.