Мадридтік «Атлетико» басшылығы «Барселона» қызығушылық танытып отырған шабуылшы Хулиан Альварестің трансфері үшін ең төменгі бағаны белгілеп, футболшыны кемінде € 120 млн деңгейінде бағалады, деп хабарлайды BOOKIE.KZ «Чемпионат» дерегіне сілтеме жасап.
The Touchline басылымы X әлеуметтік желісінде каталондық клуб аргентиналық форвард үшін бар болғаны € 70 млн төлеуге дайын екенін мәлімдеді. Қазір екі тараптың қаржылық күтулеріндегі айырмашылықты қысқартуға «Атлетико» мен «Барселонамен» байланысы бар делдалдар күш салып жатыр.
Бұған дейін Хулиан Альварес мадридтік клуб басшылығын жазда команда ауыстырып, «Барселонаға» өткісі келетінін хабарлағаны белгілі болды. Қазіргі маусымда шабуылшы барлық турнирлерде 47 матч өткізіп, 19 гол соқты және тоғыз нәтижелі пас берді.
Форвард осы маусымдағы «Атлетико» жетістіктеріне елеулі үлес қосты: командаға Испания кубогының финалына шығуға және УЕФА Чемпиондар лигасының жартылай финалына жетуге көмектесті.