«Барселонаның» бас бапкері Ханс-Дитер Флик Испания чемпионатының 33-туры аясында «Сельтаға» қарсы өткен ойында пенальти орындау кезінде жарақат алған шабуылшы Ламин Ямальдың жағдайына түсініктеме берді, деп хабарлайды BOOKIE.KZ «Чемпионатқа» сілтеме жасап.
Фликтің айтуынша, жарақаттың нақты сипаты туралы айтуға әлі ерте, сондықтан алдағы тәуліктерде медициналық штаб футболшыны толық тексеруді жалғастырады.
«Ертеңге дейін күту керек. Бірдеңе бар, өйткені ол өзін жайсыз сезінді… Ямальда жарақат бар сияқты, бірақ оның қанша уақытқа ойыннан шығып қалатынын түсінуіміз керек. Бұдан артық ештеңе айта алмаймын — күту қажет», — деп Фликтің сөздерін испандық AS басылымы келтіреді.
Каталондық клубтың жаттықтырушысы сондай-ақ Жоау Канселудың жағдайына да дәл осындай үзіліс қажет екенін, алайда қазіргі сәтте оның жарақаты аса ауыр болып көрінбейтінін айтты. Бапкердің сөзінше, команда кадрлық шығындарға бейімделуге мәжбүр және қазірдің өзінде келесі қарсылас — «Хетафемен» болатын ойынға дайындыққа көңіл бөліп жатыр.
Қазіргі маусымда Ламин Ямаль барлық турнирлерде 45 матчқа қатысып, 24 гол соқты және 18 нәтижелі пас берді.