Испаниялық маман Хаби Алонсо лондондық «Челсидің» бас бапкері қызметіне үміткерлер қысқа тізіміне енді, деп хабарлайды BOOKIE.KZ «Чемпионат» басылымына сілтеме жасап.
Британдық The Sun басылымының мәліметінше, клуб басшылығы үш нұсқаны қарастыруда. Алонсадан бөлек тізімге «Фулхэм» клубының бас бапкері Марку Силва және маусым аяқталған соң «Борнмуттан» кететін Андони Ираола енгізілген.
Дереккөзге сәйкес, «Челси» командаға лайықты нұсқаны анықтау үшін аталған үш маманның әрқайсысымен жеке келіссөз жүргізуді жоспарлап отыр.
Алонсоның соңғы жұмыс орны мадридтік «Реал» болды. Испаниялық бапкер «корольдік» клубты 2025 жылдың жазы мен 2026 жылдың қаңтары аралығында басқарды.
Бұған дейін лондондық клуб бас бапкер қызметін атқарған Лиам Росеньорды отставкаға жіберген еді.