«Манчестер Юнайтед» клубының тең иесі Джим Рэтклифф бұрынғы Англия құрамасының бас бапкері Гарет Саутгейтті келесі маусымда команданы басқаруға негізгі үміткерлердің бірі ретінде қарастырып отыр, деп хабарлайды BOOKIE.KZ, сілтеме: «Чемпионат».
Британдық TEAMtalk басылымының мәліметінше, Рэтклифф Саутгейтті «Манчестер Юнайтедке» шақыру идеясын әлі де қолдайды. Соған қарамастан, команданың қазіргі бас бапкері Майкл Кэррик клубты алдағы маусымда да басқаруға басты кандидат болып қалып отыр.
Саутгейт пен Кэрриктен бөлек, «Манчестер Юнайтедтің» қысқартылған тізіміне Англия және Германия ұлттық құрамаларын жаттықтыратын Томас Тухель мен Юлиан Нагельсман енгізілген. Сондай-ақ үміткерлер қатарында «Астон Вилла» бас бапкері Унаи Эмери және «Борнмуттан» кететін оның отандасы Андони Ираола бар.
Клуб басшылығы бас бапкер мәселесі бойынша түпкілікті шешімді осы маусым аяқталғаннан кейін қабылдауды жоспарлап отыр.