Францияның L'Equipe басылымының журналисі Грегори Шнайдер «Пари Сен-Жермен» клубында қақпашылар Люка Шевалье мен Матвей Сафонов арасындағы негізгі орын үшін бәсекеге пікір білдірді, деп хабарлайды BOOKIE.KZ «Чемпионат» дерегіне сілтеме жасап.
Француз шолушысы Шевальенің халықаралық деңгейде ойнауды мақсат ететінін және соған лайықты деңгейге ие екенін атап өтті. Сондай-ақ ол қақпашының жағдайын жас кезінде топ-клубтарға келген өзге танымал голкиперлердің тәжірибесімен салыстырды.
«Бұл – жоғары амбициясы бар қақпашы, ол өзіне халықаралық мансап көреді және соған қажет қасиеттерге ие. Егер сен халықаралық деңгейге ұмтылсаң, Матвей Сафоновты, оған барлық құрметіммен, скамейкаға отырғызуың керек. Ол „Краснодардан“ 27 жасында келді, бұл Джанлуиджи Доннарумма немесе Ян Облакпен бірдей емес. Оның мақсаттарын ескерсек, ол мұны істеуге міндетті», – деп келтіреді Шнайдердің сөзін Le10sport.
Шнайдердің айтуынша, егер Шевалье Сафоновпен бәсекенің әділ еместігіне сенімді болса, клубтан кету туралы ойлануға негіз болар еді. Алайда ол бас бапкер Луис Энрикенің қақпашы таңдауында объективтілік танытатынына сенетінін жеткізіп, француз голкипері өз артықшылығын ойын арқылы дәлелдеуі тиіс екенін айтты.
Қазіргі маусымда Люка Шевалье барлық турнирлерде 26 матч өткізіп, 28 гол жіберді және 10 ойында қақпасын голдан аман сақтады. Матвей Сафонов 22 кездесуге қатысып, 20 доп өткізді және 11 матчта қақпасын «құрғақ» ұстады.