Статистикалық Sofascore порталы Чемпиондар лигасының жартылай финалындағы «ПСЖ» мен «Бавария» арасындағы алғашқы матчтан кейін қос команданың футболшыларына баға қойды, деп хабарлайды BOOKIE.KZ «Чемпионат» басылымына сілтеме жасап.
Парижде өткен ойын алаң иелерінің 5:4 есебімен жеңісімен аяқталды. Француз клубының ресейлік қақпашысы Матвей Сафонов матчты толық өткізіп, Sofascore нұсқасы бойынша 6,5 балл алды. «ПСЖ» негізгі құрамындағы футболшылардың ішінде одан төмен баға тек қорғаушылар Вильям Пачо (6,1), Нуну Мендеш (6,1) және Ашраф Хакимиге (6,0) қойылды. Орталық қорғаушы әрі париждіктер капитаны Маркиньос 6,4 баллға бағаланды.
Портал мәліметінше, «ПСЖ» сапындағы ең үздік ойыншы шеткі шабуылшы Хвича Кварацхелия болды. Ол дубль жасап, командадағы ең жоғары баға — 8,4 балл иеленді.