Мюнхендік «Баварияның» бас бапкері Венсан Компани УЕФА Чемпиондар лигасының «ПСЖ»-ға қарсы алдағы жартылай финалдық жауап матчы туралы пікір білдіріп, трибуналар қолдауының маңызын ерекше атап өтті, деп хабарлайды BOOKIE.KZ «Чемпионатқа» сілтеме жасап.
Маман алғашқы кездесудің нәтижесі осындай деңгейдегі ойындарда ұсақ эпизодтардың шешуші рөл атқаратынын айқын көрсеткенін айтты және дәл осындай жағдай екінші матчта да қайталанатынына сенім білдірді.
«Біз матчтардың нәтижесі ең ұсақ детальдарға байланысты болатынын көрдік. Бұл детальдар келесі аптада да кем маңызды болмайды. Үйде біз бар күшімізді салуымыз керек, бұл біздің жанкүйерлерімізге де қатысты. Ойынға келетін 75 000 көрермен жүз пайыз беріліп қолдау көрсетуі өте маңызды. Біз жеңуіміз керек, ал ол үшін жанкүйерлеріміздің қолдауы да қажет», — деп келтіреді Компани сөздерін УЕФА-ның ресми сайты.
«Бавария» мен «ПСЖ» арасындағы жауап ойыны 6 мамыр күні «Арена Мюнхен» стадионында өтеді.