ATP рейтингінде үшінші орында тұрған неміс теннисшісі Александр Зверев Испания астанасында өтіп жатқан «Мастерс» турнирінің үшінші айналымына жолдама алды, деп хабарлайды BOOKIE.KZ «Чемпионат» басылымына сілтеме жасап.
Екінші айналымда Зверев әлемдік рейтингте 45-орынға ие аргентиналық Мариано Навонемен кездесті. Кездесу үш сетке созылып, неміс спортшысының пайдасына 6:1, 3:6, 6:3 есебімен аяқталды.
Матч 1 сағат 41 минутқа созылды. Зверев жеті эйс орындап, үш қос қате жіберді және сегіз брейк-пойнттің төртеуін жүзеге асырды. Оның қарсыласының еншісінде бірде-бір эйс жоқ, төрт қос қате және екі мүмкіндіктің екеуінде брейк жасау көрсеткіші тіркелді.
Мадридтегі «Мастерс» турнирінің келесі кезеңінде Александр Зверев ATP рейтингінде 47-орында тұрған француз теннисшісі Теренс Атманға қарсы ойнайды.