Журналист әрі инсайдер Хосе Луис Санчес мадридтік «Реал» шабуылшысы Килиан Мбаппенің жарақат алып, Испания чемпионатындағы «Бетиске» қарсы (1:1) ойында матч соңына дейін ойнай алмағанын хабарлады, деп жеткізеді BOOKIE.KZ «Чемпионатқа» сілтеме жасап.
Санчестің мәліметінше, форвардтың сол аяғындағы тізе асты сіңіріне шамадан тыс күш түскені анықталған. Осы себепті Мбаппе Ла Лиганың 32-турындағы кездесуде 81-минутта алаңнан алмастырылды.
Қазіргі Испания біріншілігі маусымында француз шабуылшысы 28 матч өткізіп, 24 гол соқты және төрт нәтижелі пас берді. Бұған дейін ол тізе жарақатына байланысты ақпан-наурыз айларында «Реалдың» ойындарына қатыспаған, сол кезеңде 27 жастағы футболшы бес кездесуді жіберіп алды.
Transfermarkt порталының дерегінше, Мбаппенің шамаланған трансферлік құны € 200 млн деңгейінде.