Журналист Фабрицио Романо мәлім еткенінше, мадридтік «Реалдың» президенті Флорентино Перес команданың бұрынғы бас бапкері Жозе Моуриньюдің клуб тізгінін қайта ұстауға ұмтылысы туралы біледі, деп хабарлайды BOOKIE.KZ, дереккөз ретінде «Чемпионатты» келтіре отырып.
Инсайдер мәліметіне сәйкес, португалиялық маман өзіне жақын адамдарға мадридтік клубта екінші мүмкіндік алғысы келетінін аңғартқан. Романоның айтуынша, «Реал» басшылығы жақын уақытта жаңа бас бапкердің кандидатурасы бойынша шешім қабылдауды жоспарлап отыр.
Моуринью «Реалды» 2010 жылдан 2013 жылға дейін жаттықтырды. Осы кезеңде команда оның жетекшілігімен Испания чемпионатын, сондай-ақ ұлттық Кубок пен Суперкубокты жеңіп алды. Қазіргі уақытта португалиялық маман «Бенфикада» жұмыс істейді, лиссабондық клубпен оның келісімшарты 2027 жылдың жазыңа дейін есептелген.