«Барселона» клубының шеткі шабуылшысы Ламин Ямаль Испания чемпионатындағы айдың үздік ойыншысы атағын алу саны бойынша мадридтік «Реалдың» бұрынғы форварды Криштиану Роналдуды артта қалдырды, деп хабарлайды BOOKIE.KZ сайты «Чемпионат» басылымына сілтеме жасап.
Ағымдағы маусымның сәуірінде каталониялық клуб вингері төртінші рет Ла Лиганың айдың үздік футболшысы болып танылды. Португалиялық шабуылшы Испанияда ойнаған кезеңінде бұл жекелей марапатты үш мәрте иеленген.
Ямаль бұл сыйлыққа алғаш рет 2024 жылдың қыркүйегінде, кейін 2025 жылдың қарашасы мен желтоқсанында, сондай-ақ 2026 жылдың сәуірінің қорытындысы бойынша қол жеткізді. Роналду Ла Лигада айдың үздік ойыншысы атағын 2013 жылдың қарашасында, 2015 жылдың мамырында және 2017 жылдың мамырында алған.
Ресми түрде Испания чемпионатының ай сайынғы үздік футболшы марапаты 2013 жылдан бері табысталып келеді. Осы кезеңде Криштиану Роналду 2009 жылдан 2018 жылға дейін «Реал» сапында өнер көрсетті.