Қазақстан футбол федерациясының төрешілік және инспекция департаменті 2026 жылғы маусымның Премьер-лигадағы 8-тур матчтарын өткізетін төрешілер мен инспекторлар құрамын бекітті, деп хабарлайды BOOKIE.KZ КФФ ресми сайтына сілтеме жасап.
Тур ойындары 2 мамырда басталады. «Қызылжар» мен «Оқжетпес» арасындағы кездесудің бас төрешісі болып Атыраудан келген Руслан Султанғалиев тағайындалды. Оған бүйір сызықтарда Алматы қаласынан Наргис Магау мен Астанадан Тимур Тұрсымбаев көмек көрсетеді. Қосалқы төреші міндетін Қостанай өкілі Ануар Қазбеков атқарады. Видеоқайта қарау жүйесіне (VAR) жауапты маман – Орал қаласынан Нариман Талапкеров, оған AVAR ретінде Астанадан Иван Навроцкий көмектеседі. Ойынның инспекторы болып Өскемен қаласынан Павел Салий бекітілді.
«Ертіс» – «Қайрат» матчын Астанадан келген Саят Қарабаев басқарады. Оған Қостанай қаласынан Иван Гриценко мен Шымкенттен Евгений Филипчук ассистент болады. Қосалқы төреші қызметін Астанадан Сергей Попов атқарады. Видеоқайта қарау жүйесіне Астанадан VAR-рефери Марат Искаков пен Көкшетаудан AVAR Антон Сысоев жауап береді. Кездесудің инспекторы ретінде Астанадан Елеш Құсайынов тағайындалды.
«Қайсар» – «Жетісу» ойынын Астаналық Арман Исмұратов бастаған төрешілер бригадасы өткізеді. Оған қапталдарда Атыраудан Денис Лабашов пен Қарағандыдан Дмитрий Быстров көмектеседі. Қосалқы төреші қызметін Қызылорда өкілі Марал Әбдікеров атқарады. VAR жүйесіне Көкшетаудан Данил Горда, ал AVAR ретінде Алматыдан Кирилл Ткачев жауапты болады. Ойын инспекторы – Астанадан Багдат Төсеев.
3 мамырда тур «Ұлытау» – «Елімай» матчымен жалғасады. Бұл кездесудің бас төрешісі болып Талдықорған қаласынан Сергей Ноженко тағайындалды. Оған Алматыдан Сергей Васютин мен Қарағандыдан Мансур Сайдулаев ассистенттік етеді. Қосалқы төреші міндетін Павлодардан Нұрсұлтан Әлібеков орындайды. VAR жүйесіне Тараз қаласынан Багдат Абдуллаев, ал AVAR ретінде Дмитрий Филоненко (Тараз) жауап береді. Кездесудің инспекторы – Тараздан Асхат Абданбаев.
«Каспий» – «Астана» ойынын Орал қаласынан келген Булат Сәриев басқарады. Оған Семейден Станислав Лесив пен Тараздан Алишер Мынбаев бүйір сызықтарда көмектеседі. Қосалқы төреші қызметін Тараз өкілі Рамазан Нұрдинов атқарады. VAR жүйесіне Өскеменнен Александр Затула, ал AVAR ретінде Алматыдан Самат Тергеусизов жауапты. Ойын инспекторы болып Алматы қаласынан Нұржан Доскеев бекітілді.
«Атырау» мен «Алтай» арасындағы кездесуді Тараздан келген Сәкен Байымбет бастаған бригада өткізеді. Оған Ақтөбеден Юрий Тихонюк пен Павлодардан Евгений Карлов ассистент болады. Қосалқы төреші қызметін Шымкенттен Муродбек Халилов атқарады. VAR жүйесіне Қызылордадан Данияр Сахи, ал AVAR ретінде Павлодардан Дмитрий Белоградов жауап береді. Матч инспекторы болып Павлодар қаласынан Виктор Антонов тағайындалды.
«Жеңіс» – «Тобыл» ойынын Көкшетаудан Антон Кучма басқарады. Оған қапталдарда Атыраудан Сергей Калачев пен Семейден Данияр Серікболов көмектеседі. Қосалқы төреші міндетін Орал қаласынан Бекарыс Аманкелдин орындайды. VAR жүйесіне Талдықорғаннан Денис Измайлов, ал AVAR ретінде Өскеменнен Антон Молтусинов жауапты болады. Кездесудің инспекторы – Атыраудан Анатолий Ходин.
Турды «Ордабасы» – «Ақтөбе» матчы қорытындылайды. Бұл ойынның бас төрешісі болып Орал қаласынан Денис Тевяшов тағайындалды. Оған Алматыдан Алексей Шабанов пен Атыраудан Артем Волков ассистенттік етеді. Қосалқы төреші қызметін Талдықорғаннан Жақсылық Сейдахметов атқарады. VAR жүйесіне Астанадан Айдын Тасыбаев, ал AVAR ретінде Георгий Чеховский (Астана) жауап береді. Кездесудің инспекторы – Өскемен қаласынан Руслан Дүзмамбет.