Мадридтік «Реал» клубының шабуылшысы Килиан Мбаппе дүйсенбі, 27 сәуір күні Испания чемпионатының 32-турында «Бетиске» қарсы өткен ойында (1:1) алған жарақатының ауырлық дәрежесін анықтау үшін медициналық тексеруден өтеді, деп хабарлайды BOOKIE.KZ сайты «Чемпионат» басылымына сілтеме жасап.
24 сәуірде Севильяда өткен кездесу тең аяқталды. 17-минутта «Реал» шабуылшысы Винисиус Жуниор есеп ашты, ал негізгі уақытқа қосылған минуттарда алаң иелерінің қорғаушысы Эктор Бельерин матчтың соңғы нәтижесін тіркеді.
Мбаппе 81-минутта ауысым сұрап, алаңнан ерте кетті. Бұған дейін журналист Хосе Луис Санчес клуб деректеріне сүйене отырып, француз шабуылшысының сол аяғындағы тізеасты сіңіріне шамадан тыс күш түскенін хабарлаған.
Қазіргі Ла Лига маусымында форвард 28 матч өткізіп, 24 гол соқты және төрт нәтижелі пас берді. Ақпан-наурыз айларында ол тізе мәселесіне байланысты «Реалдың» бес ойынын жіберіп алған.
Transfermarkt порталының мәліметінше, 27 жастағы футболшының шамамен нарықтық құны € 200 млн көлемінде бағаланады.